Mimozën le ta lëmë të hajë përsheshin në Partinë e Blushit… ishte kjo deklarata e bërë ditën e djeshme nga ana e kryeministrit Rama në një intervistë televizive, e cila ka sjellë sot reagimin e ish socialistes Mimoza Hafizi.
Deputetja e majtë ka deklaruar përmes një statusi në rrjetin e saj social se përgjigjen do ta japë nesër në seancën parlamentare, duke shtuar se kjo gjuhë vulgare e përdorur nga një person që harron se është kryeministër, cënon jo vetëm atë, por këdo shqiptar.
“Të gjithë ata që janë lënduar mbrëmë nga gjuha vulgare e kryeministrit ndaj meje, dua t’i siguroj se përgjigjen do ia kthej nesër, nga foltorja e Parlamentit.
Por jam e bindur se sjellja e këtij njeriu që nuk e di apo harron se është kryeministër, nuk më cënon vetëm mua, por edhe ty, ju, edhe të gjithë ata që ende e dinë dhe e marrin për kryeministër.”- shkruan Hafizi./java/a.k
