Pëllumb Seferi, kandidati i djathtë në Njësinë 8 në Tiranë, ka zgjedhur një qasje njerëzore dhe të drejtpërdrejtë në fushatën e tij, duke takuar qytetarët aty ku jetojnë e punojnë – në rrugicat e lagjes, në dyqanet e përditshme, dhe në çdo derë që i hapet.
“Në çdo rrugicë të lagjes, në çdo dyqan, tek çdo qytetar – po trokas për të kërkuar mbështetjen tuaj. Sepse nuk po kërkoj thjesht një votë, por një besim për të qenë zëri juaj, kudo ku duhet të dëgjohet. E dua këtë përgjegjësi dhe e marr me përulësi,” – u shpreh Seferi gjatë një prej takimeve me qytetarët.
Ai thekson se ky nuk është një rrugëtim i tij personal, por një angazhim i përbashkët me komunitetin për t’u dëgjuar dhe për të sjellë ndryshim aty ku është më e nevojshme. “Le ta bëjmë këtë rrugëtim bashkë,” – është mesazhi që ai përcjell çdo ditë në terren.
