Liderja e Frontit Nacional në Francë, Marine Le Pen nuk heq dorë nga qëndrimet e saj radikale. Ajo ka reaguar sërish në lidhje me politikat që duhen ndjekur për lëvizjen e lirë. Reagimet vijnë pas sulmit terrorist në Berlin.
“Është koha të varrosim mitin e lëvizjes së lirë në zonën Schengen”, ka deklaruar Le Pen.
Ajo reagoi pasi u publikua lajmi se sa lirshëm kishte arritur terroristi të largohej nga Gjermania drejt Italisë pas sulmit terrorist. Le Pen është një prej politikaneve e cila është shprehur kundër dyerve të hapura për emigrantët. Po ashtu, ajo ka paralajmëruar nismë për referendum për daljen e Francës nga BE./a.m.
