Kryetari i LDK-së, Lumir Abdixhiku prezantoi para Këshillit të Përgjithshëm të partisë së tij propozimin që Vjosa
Osmani të jetë bartëse e listës me të cilën do të garojnë në zgjedhjet e 7 qershorit dhe kandidate për presidente. Vetë ai tha se do të jetë kandidat për kryeministër.
Abdixhiku deklaroi se këto propozime janë miratuar në kryesi, ndërsa duhet të marrin edhe bekimin e këshillit.
Abdixhiku tha se ky bashkim është antidot i gjendjes së rëndë në Kosovë dhe se nuk e kemi luksin e hatërmbetjeve. Ai shtoi se bashkimi i LDK nuk ka të bëjë me interesa personale apo kalkulime elektorale, por me përgjegjësi ndaj shtetit.
