Etrit Berisha ishte ndër protagonistët kryesorë të Lazios në fitoren kundër Interit, por suksesi në San Siro nuk është një rast i izoluar. Statistikat tregojnë se Lazio është i pamposhtur me Berishën në portë, që nga gushti. Pas humbjes 4-0 me Chievon, Berisha ka luajtur tetë herë, si titullar e zëvendësues, dhe Lazio ka fituar gjashtë e barazuar dy.
Portieri kuqezi është titullar i skuadrës romane në Copa Italia dhe Europa League, ndërsa në kampionat luan Federico Marchetti, ndërkohë që Berisha është i gatshëm sa herë që italiani nuk mund të luajë, për arsye kartonësh apo dëmtimesh.