Së paku 7 kosovarë të lidhur me ISIS-in thuhet të kenë hyrë në rajonin e Ballkanit tri javë më parë.
Shërbime të ndryshme të inteligjencës, përfshirë atë të Kosovës, janë të informuar për ardhjen e Lavdrim Muhaxherit, Ridvan Haqifit dhe pesë shqiptarëve të tjerë – pjesëtarë të ISIS-it shkruan sot Koha Ditore.
Ata thuhet se po qëndrojnë në disa fshatra të Shkupit.
Shërbimet nga Lindja thuhet se kanë treguar se shumë xhihadistë të huaj kanë filluar të largohen nga Siria pas fillimit të sulmeve nga Federata Ruse.
Ndërkaq, Policia e Kosovës ka arrestuar një person në Han të Elezit, i cili dyshohet për pjesëmarrje në luftën në Siri.
Sipas burimeve të KosovaPress-it, i dyshuari është arrestuar sot në orën gjashtë të mëngjesit.
Te ky i dyshuar policia ka gjetur dhe ka konfiskuar dy armë.
