Anëtari i kryesisë së PD dhe njëherësh drejtor i Departamentit të ish të Përndjekurve në këtë parti Tomorr Alizoti ka dhënë dorëheqje të parëvokueshme nga detyrat.
Teksa ka komentuar rizgjedhjen e Bashës në krye të PD, ai thotë se nuk mund të qëndrojë më pasi kishte qënë konsistent në kërkesën e tij që Basha është përgjegjës për humbjen katastrofike më 25 qershor dhe duhej të dorëhiqej.
“Ne perfundim te votimit te anetaresise se PD per kryetarin e saj jap sot doreheqjen time nga detyra e drejtorit te departamentit te ish te perndjekurve dhe nga ajo e anetarit te kryesise.
Une, pas humbjes dramatike te PD-se mbrojta qendrimin se z Lulzim Basha ishte pergjegjes kryesor per kete humbje dhe duhej te dorehiqej ne menyre qe partia te niste nje proces reflektimi dhe ringritjeje.
Doreheqja do te ishte nje akt demokratik i nevojshem dhe nje pranim i vertete i pergjegjesive. Vetem keshtu ne do te kishim mundesine e ndertimit te nje fryme dhe force te vertete opozitare.
Z Basha zgjodhi nje qasje tjeter duke iu imponuar normave perendimore dhe duke u rizgjedhur, kesisoj une si akt qytetar dhe fisnik po zgjedh te dorehiqem.
Mbetem nje mbeshtetes i paepur i PD dhe i te djathtes dhe shpresoj qe ajo shume shpejt te zere vendin qe meriton. Mirenjohje te thelle per te gjithe mbeshtetesit”, shkruan ai në rrjetin social.
