Joshua Cavallo, futbollisti i parë i cili ka deklaruar se është homoseksual, thotë se u përjashtua nga klubi i mëparshëm për shkak të “homofobisë së brendshme.”
Cavallo, i cili së fundmi iu bashkua ekipit Stamford AFC pas largimit nga Adelaide United në maj të vitit të shkuar, u kthye në sensacion lajmesh në vitin 2021 kur deklaroi orientimin e tij seksual, me mbështetjen e klubit australian.
“Më është dashur pak kohë për të përpunuar sesi mori fund epoka ime tek Adelaide United, por mendoj se tifozët meritojnë ndershmëri. Largimi nga klubi nuk kishte lidhje me futbollin. Vendimet u morën nga njerëzit në pushtet që penguan mundësitë e mia, jo për shkak të talentit tim, por për shkak të kujt zgjodha të dashuroja. Nën drejtimin e ri, u bë e qartë që nuk lejohesha në fushë për shkak të politikës. Është e vështirë për t’u gëlltitur kur kuptova se vetë klubi im ishte homofob. Isha i zemëruar sepse njerëzit mendonin që po mënjanohesha për shkak të lëndimeve të mia, kur në të vërtetë, ishte homofobia e brendshme që më mbante në stol. U tregova profesionist, kokulur dhe punova fort çdo ditë për të cilat jam krenar. Megjithatë, pavarësisht sa prodhoja ose përmirësohesha, kontributet e mia injoroheshin vazhdimisht. Kjo solli shumë negativitet dhe cenoi mirëqenien time si futbollist profesionist.
Kjo ishte pikërisht frika që kisha për t’u deklaruar, duke parë paragjykimin që prekte karrierën time në kohë moderne. Për herë të parë, pyeta veten nëse duhet ta kisha mbajtur të fshehtë orientimin seksual. Kjo shpërfaqi frikërat që kisha për t’u deklaruar, se të isha vetja do të ndikonte në karrierën time. Ndihesha shumë i izoluar dhe mendoja nëse kisha gabuar që kisha ndarë historinë time. I ndieja gjërat të shkonin pas, jo vetëm në fushë, por në vendin e vetëm që mendoja se ishte i sigurt dhe pasi pashë një grup shokësh të ekipit që talleshin me një foto timen dhe të partnerit tim, vetëm shtli dhimbjen.
Ky fillim i ri në Mbretërinë e Bashkuar më ka ndihmuar të marr frymë sërish dhe shpresoj të dashurohem sërish me sportin që është gjithçka për mua. Pavarësisht mënyrës si mori fund në prapaskenë, refuzoj ta lë të shkatërrojë lidhjen time me këtë qytet. Adelaide është vendi ku gjeta flatrat e mia. Faleminderit tifozvëe dhe mbështetësve për pasionin dhe përkrahjen tuaj. Meritoni sinqeritet dhe sukses. Ka qenë fantastike të luaja para jush. Faleminderit.”
Cavallo ka thënë më parë se ka marrë kërcënime me vdekje thuajse çdo ditë pas vendimit për t’u deklaruar haptazi, por pendesa e tij e vetme është që s’e ka bërë më parë.
Edhe pse ka pasur lojtarë në liga më të vogla që janë deklaruar, Cavallo është i pari që e ka bërë duke qenë pjesë e një ekipi të rëndësishëm.
