Kryeministri Ramush Haradinaj ka thënë se do ta vazhdojë punën, pamvaresisht se ‘Lista Srpska’ do te largohet nga koalicioni qeveritar. Haradinaj ka thënë se nuk e ka ndërmend të japë dorëheqje dhe ka shpjeguar arsyet.
“Është e pakuptueshme marrja e një vendimi për largim nga koalicioni”, ka komentuar kryeministri në një konferencë për media.
“Veprimi i djeshëm nuk ka qenë i drejtuar kundër qytetarëve serbë, sikurse as zyrtarëve serbë, por i atyre që e kanë thyer ligjin”, tha ai.
“Dorëheqje nuk e kam plan me dhanë. Punën kam me e vazhdu”, shtoi Haradinaj.
Haradinaj ka thënë, po ashtu, se ka marrë përkrahje nga shumë deputetë, pas largimit të Listës Serbe nga koalicioni, pas arrestimit dhe deportimit të Marko Gjuriqit nga Kosova.
Kush e dha urdhrin për arrestimin e Gjuriçit?
Haradinaj ka informuar se MPJ kishte vendosur që të ndalej kushdo që ka tentuar të hyjë në Kosovë pa leje, duke mos folur rreth raportimeve të fundit se Presidenti Thaci kishte urdhëruar.
“Janë proceduar standardet e MPJ e cila ka refuzuar hyrjen në Kosovë, në këtë rast MPB e ka zbatuar urdhrin, kuptohet kryetari i qeverisë e ka monitoruar gjendjen. Çdo sekondë kam qenë në dijeni për procesin”, ka thënë Haradinaj.
“Nuk është cështje e tregimit të forcës, por të zbatimit të ligjit”, ka thënë tutje kryeministri lidhur me urdhërdhënien.
ma.me
