Ish-kryeministri Sali Berisha ka folur ditën e sotme për emigrimin e të rinjve. Në një takim me anëtarët e Departamentit Brain Gain & Ekselencës, Berisha tha se Shqipëria është një ndër vendet më të largimet më të mëdha. Shkak i largimit të të rinjve, Berisha thotë se është qeveria dhe lidhjet e saj me drogën dhe krimin.
“Ka një raport jetik midis të ardhmes dhe rinisë. Midis të ardhmes dhe elitës. Në rast se ju vështroni sot shifrat demografike, ato janë tmerrësisht tronditëse. Një komb që vetëm në hapësirën evropiane, humbet 740 mijë qytetarë, pa llogaritur të tjerë që janë larguar në drejtime të tjerë, jo Shengen.
Në historinë e luftërave, botërore apo civile, nuk gjendet asnjë komb tjetër që ka pësuar këtë katastrofë demografike që ka pësuar kombi shqiptar. Polonia ka humbur 20 përqind të popullatës në Luftën Botërore. Shqipëria 31 përqind në 7 vite. Kjo jo nga tirania e mjerimit e vitit 1991, kur njerëzit nuk kishin kafshatën, por nga një agresion brutal i krimit, i drogës, i lidhjeve të qeveritarëve me krimin, drogën dhe vjedhjen e qeveritarëve. Për këtë qeveri është lajm i mirë, e dinë që dobësohet në maksimum fuqia protestuese dhe pakësohen votat kundër saj. Për kombin është një katastrofë.
Për këtë qeveri, largimi i të rinjve është një lajm i mirë, sepse dobësohet fuqia protestuese dhe votat kundër saj. Për vendin dhe kombin, kjo është absolutisht një katastrofë. Dy gjëra rrënojnë më shumë se tjetër të ardhmen: mungesa e rinisë. E dyta, borxhi. Edhe borxhi është një barrë e tmerrshme. Kjo qeveri, të dyja po i kryen në mënyrën më pasiononte”, tha Berisha.
/s.f
