Për herë të parë në historinë e sajë të shkurtër por shumë të suksesshme, Lara Colturi arrin të ngjitet në podiumin e një etape të Kupës së Botës duke u renditur e dyta pas numrit 1 të botës Mikaela Schiffrin.
Historike për Shqipërinë pasi padyshim është edhe hera e parë për vendin tonë që arrijmë të jemi mes më të mirëve në Botë, në skinë për femra, dhe kjo falë Lara Colturit, në etapën e 3-të të Kupës së Botës.
“Për herë të parë, flamuri shqiptar do të ngrihet në podiumin e një kampionati botëror skish!,”shkruan kryetari i bashkisë së Tiranës, në një foto përkrah skiatores Colturi.
Vetëm 18 vjeç pak ditë më parë, dhe sot Lara Colturi nuk është më një fenomen, por është një kërcënim për emrat më të mëdhej në botën e skive femërore dhe Shqipëria në garën e luksit të një sporti që vërtetë nuk e kemi traditë, por na ka futur në garë me gjigandët botëror, si Amerika, Zvicra, Suedia, Norvegjia dhe shumë vende të tjera të këtij niveli.
