Kryeministri Edi Rama ndonëse ndodhet për një vizitë 2 ditore në Slloveni ka qenë mjaft aktiv në ndjekje të 2 skuadrave si Shqipërisë dhe Kosovës.
Në përfundim të ndeshjes Finlandë – Kosovë, aty ku kombëtarja e Kosovës shënoi golin e parë duke marrë pikën e parë të saj në arenën kombëtare, kreu i ekzekutivit shqiptar Edi Rama i kushtoi një status në rrjetet sociale.
“Urime Kosovës për golin e parë në historinë e saj”, shkruan Rama ndërsa këtij urimi i bashkëngjit flamurin e Bashkimit Evropian, citohet Express.
Nuk dihet nëse kjo është një gafe apo e qëllimshme nga ana e kryeministrit, por gjithsesi duket se flamuri i BE-së në këtë rast është komplet i panevojshëm. (b.an)
