3 persona janë arrestuar nga Policia e Tiranës pasi në mjetin me të cilin udhëtonin janë sekuestruar një sasi prej 14.7 kilogramësh kanabis sativa.
Në prangat e policisë ranë 26-vjeçari Hamdi Rrafmani, 28-vjeçari Lutfi Çollaku dhe 28-vjeçari Kledian Jonuzaj.
Ata u ndaluan gjatë orëve të vona të mbrëmjes së djeshme duke u gdhirë e enjtja.
Këta shtetas u ndaluan në mjetin e tyre tip Nisan Patrol, pasi policia kishte siguruar informacione për aktivitetin e të rinjve.
Ata u ndaluan në hyrje të fshatit Krrabë, tek “Lapidari”.
