Ministria e Mirëqënies sociale ka lançuar programin e saj “25 aktivitete në 25 vjetorin e Ditës së Rinisë” me qëllim krijimin e një hapësire më të madhe për këtë shtresë të shoqërisë. Ministri Klosi tha se dita e rinisë, nuk duhet të harrohet, pasi 8 dhjetori, ndryshoi qasjen politike në vend.
“Kemi kërkuar që gjithë ju të jepni mendime për sa i përket 8 dhjetorit. Sot një muaj përpara ne lançojmë aktivitetin tonë të rëndësishëm, 25 ditë aktivitete për 25-vjetorin e 8 dhjetorit, 25 ditë që do të flitet vetëm për rininë. Ne ju kërkojmë që gjatë këtyre 25 ditëve në çdo cep të Shqipërisë, në çdo faqe interneti të kemi mundësinë të flasim për rininë dhe problemet që shqetësojnë rininë sot. Do të përpiqemi t’ia rikujtojmë brezave për rëndësinë që ka pasur, vlerat që ka pasur dhe transformimin që i solli Atdheut tonë”, tha ministri Klosi.
