Ditën e hënë punonjësit e qytetit kanë hequr prej kangjellave të urës Pont del Arts, e njohur nga çiftet për premtimet e dashurisë së përjetshme.
Vendimi u mor nga këshilli i qytetit për arsye sigurie dhe për të ruajtur trashëgiminë e vyer që rrezikohej nga pesha e madhe e drynave të hekurit.
Që prej vitit 2008, u bë traditë për çiftet që deklaronin dashurinë e tyre, duke vendosur inicialet në një kyç, dhe çelësat t’i hidhnin në lumë. Kjo çmenduri nisi në Itali dhe u shpërnda gjithandej, duke pushtuar gjithë urat e Senës.
Dy të rinj amerikanë që jetojnë në Paris nisën marsin e vitit të kaluar një peticion, ku apelonin për heqjen e këtyre çelësave, pasi ishin të shëmtuar dhe mund të dëmtonin urat.
