“Lamtumirë” celularë/ Qeveria po mendon të ndalojë nxënësit të përdorin telefonin

Viti i ri shkollor është gati të rinisë, por në Turqi duket se nxënësit do jenë të detyruar t’u thonë lamtumirë telefonave të tyre celularë.

Në vitin e ri shkollor në Turqi është planifikuar ndalimi i përdorimit të telefonave nga nxënësit gjatë periudhës kur ata do të jenë në shkollë. Kështu deklaroi ministri turk i arsimit, Yusuf Tekin, në një konferencë me përfaqësues të institucioneve arsimore nga i gjithë vendi, njoftoi uebfaqja Haberler.

“Po shqyrtojmë zbatimin e masave për të parandaluar përdorimin e celularëve dhe pajisjeve dixhitale nga nxënësit gjatë kohës që janë në shkollë. Është e gabuar të lejohen celularët dhe pajisjet dixhitale në institucionet arsimore sepse varësia dixhitale ngadalëson procesin arsimor”, tha Tekin.