Kryeprokurori Adriatik Llalla dhe familja e tij janë kërcënuar me jetë. Këtë e ka pranuar vetë Prokurori i Përgjithshëm nga studio e emisionit “Opinion”, duke shpjeguar edhe vendimin e tij për të larguar familjen nga Shqipëria.
Sipas Llallës, nga hetimet e kryera ka rezultuar se ka dyshime të forta se grupet kriminale kanë kërkuar që të sulmojnë me jetë atë dhe familjen e tij.
I pyetur nga gazetari Blendi Fevziu, kryeprokurori Llalla tha se janë 4 deputetë që janë kapur nga ligji i dekriminalizimit, dhe mes tyre ka edhe të akuzuar për vrasje siç është rasti i Mark Frrokut.
Këtë shembull mori edhe Llalla, duke përmendur emrin e Frrokut si një nga ish-zyrtarët e lartë të inkriminuar dhe që mund të ketë kërcënuar familjen e tij.
“Fakti që unë u detyrova të largoj familjen nga vendi…fëmijët ndërprenë vitin shkollor në maj. I kthehemi kronologjisë së atyrë muajve. Janë goditur banda….dyshimet ishin të shumta ku unë vlerësova ti largoj. Mund të merreshin akte ndaj familjes sime. Gjeta mbështetjen e një ambasadori për tmë mbrojtur familjen, atje ku janë akoma sot. Unë skam asnjë arsye për tu larguar nga shqipëria. Do ta rikthej edhe familjen kur historia të marrë fund. Kërcënimet vinin nga një sërë elementësh të rrëzikshëm kriminalë. Kanë qenë në hetim zyrtar të lartë që janë në proces hetimi dhe gjykimi. Besoj dhe dje e patë deputeti Frroku…” tha Llalla./b.d
