PD dhe PS bien dakord që Byroja Kombëtare e Hetimit të kalojë në varësi të Prokurorisë dhe jo të policis siç ishte deri tani në draftin për Reformën në Drejtësi. Pas shumë debatesh palët kanë përafruar qëndrimet duke arritur në një vendim final që që Byroja Kombëtare e Hetimit të kalojë tashmë në varësi të organit të akuzës. Çështja e varësis ka qenë prej kohësh objekt debati mes pozitës dhe opozitës.
***
PD i rikthehet sërish çështjes së Byrosë Kombëtare të Hetimit, duke kërkuar këtë herë që ky institucion të jetë në varësi të prokuroris. Këto pretendime përfaqësuesit e PD-së i kanë bërë në komisionin e posaçëm parlamentar për Reformën në Drejtësi, e cila ka pak minuta që është mbledhur. Ndonëse PD-ja kishte rënë dakord pak javë më parë me draftin e ndërmjetësuar nga ndërkombëtarët, të cilin më pas nuk e votoi, tani ka kërkuar që Byroja e Hetimit të mos jetë në varësi të ministrisë së brendëshme, por në atë të prokuroris. Komisioni për reformën është mbledhur për të gjetur zgjidhje ligjore në draft në bazë të opinionit përfundimtar të Komisionit të Venecias, por duket se këto element janë shmangur, pasi PD-ja kërkon që të diskutohet për Byronë dhe jo për gjetjet e bëra në draft nga Komisioni i Venenecias dhe më pas të shkruara në opinionin përfundimtar. Sipas PD-së Komisioni i Venecias ka rekomanduar që Byroja të jetë në varësi në Prokuroris.
(javanews.al)
