Ka nisur sërish në të njëjtën mënyrë ashtu si u mbyll vitin e shkuar puna e Kuvendit të Kosovës. Opozita ka lëshuar në sallë sërish gaz lotsjellës, duke e bërë të pamundur vijimin në kushte normale të seancës.
Përpos kontrolleve të imtësishme që u janë bërë deputetëve të opozitës, ata kanë arritur të fusin në sallë gaz dhe ta përhapin në sallë pasi mbajti një fjalim kryetari i Vetëvendosjes Visar Ymeri.
Pavarësisht, gazit në sallë, kryetari i Kuvendit tentoi votimin e rendit të ditës por kjo zgjati për pak çaste pasi ishte i pamundur qëndrimi në këto kushte. Seanca ka filluar pas 10 minutash, por deputetët e opozitës kanë hedhur sërish gaz lotsjellës. Seanca është ndërprerë sërish, për herë të dytë.
Punimet e Kuvendit nisën me tension ende pa filluar. Pak çaste para se të futej në ambjentet e Kuvendit, deputeti dhe njëherësh ish-kryetari i Vetëvendosjes Albin Kurti është sulmuar me vezë.
Ja momentet e fiksuara nga sulmi me vezë ndaj Kurtit.
