Policia e Shtetit është vënë në ndjekje të një personi të shumëkërkuar, i cili vlerësohet si një personazh i botës së krimit me rrezikshmëri të lartë.
Gjatë ndjekjes mësohet se ka pasur të shtëna në zonën e Zogut të Zi. Mësohet se uniformat blu kanë qëlluar në ajër për neutralizimin e personit në fjalë, emri i të cilit nuk bëhet ende me dije. Raportohet se ai po kontrollohej nga uniformat blu, kur dhe ka goditur me grusht një polic për tu larguar me shpejtësi.
Policia ka qëlluar në ajër pasi i ka bërë thirrje të dorëzohet. Mësohet se uniformat blu e kanë ndaluar këtë shtetas, të cilit i janë gjetur lëndë narkotike./a.m.
