Kreu i LSI, Petrit Vasili dhe ai i PDS Paskal Milo jane takuar mengjesin e sotem ndersa kane dale ne nje konference per shtyp ne perfundim te bisedimeve.
Ata kane bere te ditur se ne zgjedhjet e 25 qershorit do te kete nje bashkepunim mes dy partive, bashkepunim ky qe eshte konkretizuar ne nje marreveshje te firmosur.
Pas nënshkrimit të marrëveshjes kreu i LSI deklaroi se marrëveshja i shërben arritjes së qëllimit për zgjedhje të lira e të ndershme.
“PDS do ketë si garant LSI në të gjitha komisionet zgjedhore. Ne ecim në një bashkëpunim. Politika ka më shumë nevojë për një komunikim të këtyre përmasave të karakterit etik dhe politik”, tha Vasili.
Ndërkohë kreu i PDS Paskal Milo deklaroi se marrëveshja do të shtrihet edhe pas zgjedhjeve dhe nuk i adresohet asnjë partie të tretë, pa përmendur këtu aleaten e vjetër Partinë Socialiste.
“Marreveshja që sapo nënshkruam është marrëveshje e natyrshme e dy partive tona që ndajnë vlera të përbashkëta dhe te gjithëanshme. Marrëveshje që institucionalizon një bashkëpunim që do të materializohet gjatë fushatës dhe administrimit të votave dhe gjatë qeverisjes së vendit. Është një marrëveshje që nuk adresohet ndaj një partie të tjerë, por është për të maksimalizuar votat e partive tona. Është marrëveshje që PDS-LSI e bëjnë për të patur rezultat maksimal me qëllim që roli i LSI të manifestohet gjatë fushatës dhe në mënyrë të veçantë pas fushatës që të shohim një bashkëpunim të mbështetur në vlera, ideale, vlera të integrimit. Nuk është thjesht bashkëpunim pragmatist, por bashkëpunim vlerash”, tha Milo.
VIJON…
