Lajmi i publikuar nga La Gazzetta Dello Sport, që fliste për një mospjesëmarrje të Majlinda Kelmendit në një test anti-doping që duhej të zhvillohej ne Francë në muajin qershor, nuk është pritur aspak mirë në nga shqiptarët.
Kelmendi arriti të fitonte medaljen e artë në Xhudo duke mundur një italiane dhe mendohet se një lajm i tillë mund të jetë publikuar qëllimisht.
Por, presidenti i Federatës Kosovare të Xhudos, Agron Kuka në një prononcim për “The Guardian” ka deklaruar: “Nuk e kuptoj pse një çështje e tillë është bërë kaq e madhe, pasi nuk ka asnjë arsye. Ekipi po bënte stërvitje në Francë dhe disa njerëz afrohen dhe thonë do bëjmë një kontroll anti-doping, por nuk kishin asnjë autorizim nga zyrtarët e Kontrollit anti-doping botëror. Ne nuk mund t’i japim gjakun apo urinën e sportistëve kujtdo dhe kemi qenë gjatë gjithë kohës në kontakte me institucionet kompetente”, ka sqaruar Kuka.
