Tetë pjesëtarë të familjes Lala do të përcillen së bashku për në banesën e fundit ditën e nesërme.
Katër prej viktimave janë fëmijë, përfshirë edhe dy binjakë.
Tërmeti shkatërrimtar që goditi Durrësin mëngjesin e së martës, la më shumë se 20 të vdekur në qytetin bregdetar, ndërsa familja Lala në zonën e ish-Kënetës, që banonte në një vilë katër katesh, ishte e vetmja e prekur në këtë zonë.
Vila u shemb tërësisht disa orë pas tërmetit, ndërsa familjarët ishin bllokuar brenda. /e.s/
