Një tjetër lajm tragjik nga koronavirusi. Një 17-vjeçar nga Elbasani ka humbur jetën nga virusi i rrezikshëm, në vendin tonë.
Mësohet se adoleshenti ishte i shtruar prej një jave te spitali Covid-2 “Shefqet Ndroqi”.
Raportohet se gjendja shëndetësore e 17-vjeçarit ka qenë shumë e rënduar, me 100% të mushkërisë të prekur nga koronavirusi.
Gjendja e tij ishte përkeqësuar më tej në 24 orët e fundit, ku fatkeqësisht ka ndërruar jetë.
Ndërkohë, po sot, një 28-vjeçare po nga Elbasani ka ndërruar jetë nga Covid. Të dy viktimat e sotme raportohet se nuk kanë pasur sëmundje të tjera.
/a.r
