Ministrja e Shëndetësisë, Ogerta Manastirliu, jep lajmin e mirë se është shëruar nga koronavirusi edhe një punonjës i tjetër i personelit shëndetësor, duke e çuar në 41 numrin total të të shëruarve në radhët e mjekëve dhe infermierëve.
Gjithashtu, ministrja thekson se lajm i mirë është edhe fakti se sot nuk ka asnjë mjek apo infermier që po trajtohet në spital për COVID-19.
“Edhe 1 personel shëndetësor i shëruar në Tiranë, mes 18 të shëruarve në 24 orët e fundit! Janë 41 personel shëndetësor të #shëruar nga COVID-19
Por #LajmiMëIMirë është se SOT, nuk kemi asnjë mjek dhe infermier që po #trajtohet në spital për #COVID19 dhe 70% e të prekurve ndërmjet bluzave të bardha janë plotësisht të shëruar!
Deri tani janë 345 pacientë dhe staf mjekësor që e kanë fituar betejën me #COVID-19
#FORCA”, shkruan Manastirliu. /e.s/
