Aventura e Lorik Canës në radhët Nantes me shume mundesi do të mbyllet në fund të sezonit. Ishte vetë futbollisti kuqezi që e la të kuptohej dicka e tillë gjatë një emisioni në një televizion lokal, edhe pse kontrata e tij me klubin francez skadon në verë të 2017-ës.
“Kam një marrëveshje verbale me presidentin Kita, – u shpreh fillimisht 32-vjecari. – Nuk do të kisha ardhur këtu nëse nuk do të kisha miqësi me të. E njoh që kur isha 14 vjec, pasi para se të vija në Francë, kam luajtur në Lozanë. Te Nantes ka lojtarë të rinj të talentuar që janë e ardhmja e skuadrës, ndërsa unë jam këtu për ta ndihmuar klubin në një periudhë specifike dhe shumë të shkurtër.”
Gjithcka është e qartë, Cana preferoi kalimin te Nantes pasi dëshiron të jetë në formë maksimale për finalet e Euro 2016-të, që shënon pjesëmarrjen e parë të Shqipërisë në një event kaq të rëndësishëm të futbollit. Gjithsesi, kapiteni kuqezi nuk do t’i varë këtë verë këpucët në gozhdë pasi do të provojë një aventurë të fundit jashtë kontinentit europianm në Azi ose në Shtetet e Bashkuara të Amerikës./supersport
Po ik o vlla se per futboll nuk ja thua