Ish-ministri i Punës dhe Çështjeve Sociale, Spiro Ksera është arrestuar nga policia gjatë orëve të mbrëmjes të së premtes, me urdhër të Prokurorisë.
Ai u arrestua në Gjirokastër.
Bëhet e ditur se ish-ministri Spiro Ksera akuzohet për vjedhje duke shpërdoruar detyrën.
Ish-ministri akuzohet për dhënie fondesh për aktivitete fiktive.
Ksera akuzohet se ka abuzuar me një tender të dhënë pak ditë para largimit të PD-së nga pushteti, në vlerën e 30 milion lekëve.
Ish-ministri akuzohet për abuzime me disa donacione për komunitetin rom, duke shkaktuar një dëm rreth 30 milionë lekë.
Për të njëjtën çështje mësohet se akuzohet edhe ish-drejtori i kabinetit, shtetasin Kleves Bitro.
Spiro Ksera u padit nga ish-ministri i Mirëqënies Sociale, Erion Veliaj, pak para se ai të linte detyrën për të kandiduar për kreun e Bashkisë së Tiranës.
