Ministri i Jashtëm i Sllovakisë, Miroslav Lajcak do të vizitojë të martën Kosovën, në vizitën e parë të tij si shef i diplomacisë sllovake. Raportohet se Lajcak do të arrijë pasdite në Aeroportin e Prishtinës prej ku fillimisht do të bëj zbulimin e pllakës për ushtarët e rënë sllovakë. Në vizitën e tij të shkurtër, Lajcak do të takohet me Presidenten e vendit, Atifete Jahjaga, Kryeministrin Isa Mustafa dhe Kryetarin e Komisionit për Punë të Jashtme, Enver Hoxhaj. Takimi me homologun e tij kosovar, Hashim Thaçi do të jetë i pamundur për shkak të vizitës zyrtare të këtij të fundit në SHBA.
Lajcak, të martën në Kosovë takon Jahjagën, Mustafën dhe Hoxhajn
