“Shqipëria nuk ka nevojë për shumë kulla, por më shumë shkolla”, u shpreh Doris Pack nga Tirana, e cila duket se vijon te jete ‘busulla’ e PD ne planin nderkombetare. Deklarata u bë nga selia e PD-së, gjatë një bashkëbisedimi me teme “Sfidat e integrimit europian-roli i të rinjve dhe i grave në procesin e hapjes së negociatave”, ku Presidentja e Forumit të Grave të PPE ishte e ftuar.
“Jam e nderuar që jam këtu, dhe shikoj sallën plot. Jam e kënaqur që shikoj shumë të rinj këtu që kanë vendosur të mos largohen nga ky vend.Ky nuk është një problem vetëm i Shqipërisë, por i Kosovës, Serbisë, Maqedonisë, edhe Kroacisë. Kjo ndodh se politikanët nuk po kujdesen për nevojat jetësore të tyre.Faktikisht nuk e mbaj mend sesa herë kam ardhur në Shqipëri, por këtu nuk ka nevojë për shumë kulla, por më shumë shkolla”, tha Doris Pack.
“Normalisht ka nevojë për investime, të cilat do bëhen nëse sistemi i drejtësisë vihet në vend. Unë jam presidente e forumit të gruas, por drejtoj edhe forumin që trajnon të rinjtë.Ne duam të krijojmë krijimtari brenda këtyre politikave që politikanët të bëjnë më të mirën. Këtu ka nevojë për shkolla të mira, arsimim më të mirë, ndaj BE, mendoi të shtrinte mundësinë përtej BE. Këto programe nuk janë vetëm për studentët por edhe për mësuesit dhe diplomatët”, tha më tej ajo gjatë fjalës së saj.
