Regjisori Robert Budina është përplasur në “Open” me aktorin Laert Vasili lidhur me betejën për teatrin Kombëtar.
Vasili akuzoi Budinën, që ishte edhe drejtues i Aleancës për Teatrin, se u përdor politikisht nga PD, për një kauzë që nisi si qytetare.
Si fakt, Vasili solli anëtarësimin e Budinës në Këshillin Kombëtar të PD, të cilin ky i fundit u detyrua ta pranojë.
Debati mes tyre:
Laert Vasili: E ke përballë, është anëtar i Këshillit Kombëtar të PD. Aty vinin çdo natë partitë opozitare dhe merreshin me qytetarët që dëshironin një zgjidhje për Teatrin. Kuaza u tradhtua për qëllime politike. Tradhtia ishte se ajo që filloi si kauzë qytetare u uzurpua. Ata që përbënin kryesinë e Aleancës së Teatrit sot janë deputetë.
Robert Budina: Ne e shembëm teatrin. Ne futem forcat RENEA
Laert Vasili: Jo. Ju e zaptuat teatrin
Eni Vasili: A ndiheni i përdorur politikisht
Robert Budina: Jo
Laert Vasili: Kur u zgjodhe në Këshillin Kombëtar të PD?
Robert Budina: Në 2018 jam regjistruar si anëtar i Këshillit Kombëtar të PD
Aktualisht Robert Budina është përzgjedhur si kandidat për deputet në listat e PD.
