Lady Gaga dhe i fejuari i saj, Michael Polansky, kanë përjetuar për herë të parë prindërimin, pasi kanë mirëpritur në jetë vajzën e tyre, Rose Bean Polansky.
Sipas TMZ, foshnja ka lindur në Los Angeles me ndihmën e një nëne surrogate. Çifti nuk ka shpjeguar arsyet që e çuan drejt këtij vendimi.
Lajmi për lindjen e fëmijës u bë publik javën e kaluar, pas disa muajsh gjatë të cilëve këngëtarja qëndroi larg vëmendjes së publikut. Fillimisht, Page Six raportoi se Gaga dhe Polansky ishin bërë prindër, duke publikuar edhe fotografi të çiftit së bashku me vajzën.
Fotografi të siguruara nga Daily Mail shfaqën yllin e popit teksa mbërrinte të dielën në Los Angeles me një avion privat dhe mbante në krahë të bijën e porsalindur.
Lady Gaga ka treguar më parë për vështirësitë shëndetësore dhe dhimbjet kronike të shkaktuara nga fibromialgjia. Në dokumentarin e Netflix të vitit 2017, “Gaga: Five Foot Two”, ajo foli për dhimbjen e vazhdueshme, ndërsa në një intervistë të vitit 2020 e përshkroi atë si një “dhimbje nga koka te këmbët”.
Këngëtarja dhe biznesmeni 42-vjeçar janë në një lidhje që prej vitit 2019, ndërsa fejesën e zyrtarizuan në prill të vitit 2024.
Me ardhjen në jetë të Rose Bean Polansky, Lady Gaga ka hapur një etapë të re në jetën e saj, atë të mëmësisë.
