Laçi është shpallur superkampione e Shqipërisë, duke mundur me penallti Skënderbeun. Skuadra e Armando Cungu surprizojë, duke mundur skuadrën kampione të Shqipërisë.
Bardhezinjtë mbizotëruan përgjatë një ore lojë, falë një dy golëshi të Xhejms, ndërsa më tej ishte Skënderbeu që u rikthye në lojë falë një dygolëshi të shkodranit Salihi. Loja e rregullt përfundoi 2-2, teksa shtesat nuk dhuruan asgjë. Pas 16 penalltive të goditura, kurbinasit “kthyen” me këmbë në tokë Skënderbeun Europian.
Ndeshja:
Laçi ka mbyllur në avantazh 45 minutat e para ndaj Skënderbeut. Bardhezinjtë kanë arritur të përfitojnë nga nja pakujdesi e mbrojtjes korçare dhe kanë fituar një 11-metërsh të shëndërruar në gol nga i përhershmi Xhejms. Gjithçka ndodhi në minutën 10-të, pasi deri në ato çaste loja ishte e qetë dhe skuadrat ishin duke studiuar njëra-tjetrën dhe përplasjet ishin kryesisht të fokusuara në mesfushë. Më tej, mesfushori kurbinas Doku, vendos të marrë iniciativën. Ai tenton të infiltrohet mes mbrojtësve të skuadrës së drejtuar nga Mirel Josa dhe në momentin që hynë në zonë pengohet nga mesfushori Dema.
Gjyqtari Koçi nuk ka asnjë dyshim dhe drejton dorën nga pika e bardhë e penalltisë. Xhejms merr përsipjen goditjen dhe me sigurinë e tij karakteristike mposht portierin Llapanji. Skënderbu veç golit të pësuar në pjesën e parë duhet të bëjë llogaritë edhe me fatinë. Sulmuesi vlonjat, Arbër Abilaliaj detyrohet të lërë fushën përpara kohe pasi pëson një tërheqje muskulare në këmbën që e mundon prej kaq shumë kohësh. Loja vijoi sërish me ritëm të ngadaltë. Skuadra kampione e Shqipërisë vuante së tepërmi presingun e skuadrës laçiane në mesfushë, aty ku Dema dhe Shabani nuk ishin në lartësinë e duhur.
Por, mesfushori tjetër Berisha, i ardhur nga Besa sezonin e shkuar mori në dorë skuadrën dhe me teknikën e tij tentojë të infiltrohej në zonën krubinase, aty ku Aramndo Cungu kishte ngritur një mur të vërtet difensiv. Gjithësesi skuadra e Mirel Josës me kalimin e minutave nisi të rrisë presionin e saj dhe Berisha fiton një goditje dënimi në të 37-ën, por Salihi (i futur në vend të Abilaliajt) godet gabim. Më tej, në minutën e 2-të shtesë të fraksionit të parë të lojës, sërish Berisha arrinë të thyej mesfushën Laçiane godet menjëherë, topi devijohet dhe për pak sa nuk përfundon në rrjetë.
Fraksioni i dytë i lojës nis nën gjurmët e të parit. Laçi dyfishon rezultatin. Autori është po ai, Xhejms, i cili shtang kampionët e Shqipërisë ende pa u numëruar pesë minuta nga pjesa e dytë. Nervozizmi tek korçarët nisi të ndihej dhe loja dukej sikur do të shkonte drejt fundit me suksesin bardhezi. Por, nuk ndodhi kështu. Salihi e Berisha morën në dorë situatën dhe sëbashku arritën të kthenin rezultatin. Në minutën e 65’ Berisha harkojë topin në zonë dhe sulmuesi shkodra me zgjuarsi u shfaq pas shpinës së mbrojtësave kurbinas dhe lehtësisht përcolli topin në rrjetë. Goli i barazimi erdhi në minutën e 74’, teksa u shërbye nga e djathta në zonë, nga ku fitoi dy luftimin me kokë dhe dërgojë topin sërish në rrjetë.
Pas kësaj loja u zbeh dhe të skuadrat rritën së tepërmi përqendrimin në mos pësimin e golit dhe kështu edhe pas katër minutave shtesë në pjesën e dytë nuk pati ndryshim rezultati, duke e çuar lojën në shtesë. Duhet thënë se përgjatë 90-të minutave lojë Berisha ishte lojtari më i mirë në fushë. Koha shtesë nuk dhurojë asgjë, madje skuadrat u përgjumën dhe minutat filluan të rëndonin në këmbët e tyre. Gola nuk pati më dhe 11-të metërshat ishte rruga e vetme që mbeti për të shpallur fituesit. Pas 16-të penalltive të goditura Laçi fitojë superkupën.
