Kjo është çfarë ka mbetur nga shembja e pallateve në lagjen numër 4 të qytetit të Laçit pas dëmtimit nga tërmeti i 26 nëntorit.
Në këto grumbuj inertesh njerëzit po rrezikojnë jetën e tyre duke mbledhur hekura nën rrënoja.
Një nder ta është Pjeter Ndreca, shtëpia e të cilit u dëmtua nga tërmeti.
Që kur në Laç filloi shembja e pallateve, Pjetrin e gjen duke mbledhur hekura për të fituar bukën e gojës.
Pjetri ka mbaruar shkollën e lartë si agronom gjithashtu fëmijët i ka shkolluar por tërmeti i dha një goditje mjaft të madhe.
Është i vetëdijshëm për rrezikun që i kanoset duke kërkuar hekura në mes të grumbujve të inerteve por mundësitë për të gjetur një punë janë të pakta për të.
Ashtu si jeta e hekurmbledhësit edhe pamjet që sot qyteti i Laçit të ofron është e trishtë sikur të kishte dalë nga lufta.
