Partia Laburiste akuzoi David Cameron për hipokrizi dhe kërkoi dorëheqjen e tij pasi ai pranoi se kishte zotëruar dikur aksione në një kompani jashtë vendit të krijuar nga babai i tij.
Të enjten, kryeministri britanik tha se i kishte shitur aksionet para se të bëhëj kryeministër dhe se kishte paguar taksat për shitjen prej 30 000 stërlinash. Ai, gjithashtu, tha se kompania “Blairmore Holdings” nuk ishte krijuar për të shmangur taksat.
Por, lideri i laburistëve, Tom Watson tha se kryeministri më herët kishte deklaruar se njerëzit që investonin në skema të tilla ishin duke gabuar moralisht. Dokumentat e Panamasë tregojnë se Ian Cameron, babai i ndjerë i kryeministrit, ishte një prej pesë drejtuesve të kompanisë që merrte pjesë në takimet e bordit në Bahamas apo Zvicër.
Mediat britanike shkruajnë se kompania “Blairmore Holdings” ishte një fond për investitorët që deri në vitin 2006 përdorte bono thesari që i paguhen mbajtësit për të mbrojtur identitetin e klientëve. Sipas laburisitit Tom Watson, Cameron nuk mund të fajësohet për veprimet e babait të tij, por mund të fajësohet për hipokrizi.
“Kryeministri nuk u tregua plotësisht i sinqertë me popullin për marrëveshjet e tij financiare. Në fund të fundit kjo nuk do të ishte aq e gabuar, por vetë kryeministri i ka bërë moral njerëzve të njohur duke i thënë se angazhimi në skema të tilla është moralisht i gabuar.
“Njerëzve nuk i pelqën kjo dhe duan më shumë prgjigje nga Cameron para se skandali të harrohet”, deklaroi Watson. Vetë kryeministri pretendon se nuk ka bërë asgjë të gabuar dhe përderisa opozita nuk po e akuzon për shkelje të ligjit, çështjet e moralit mbeten relative. /tch
