Komisariati numër 1 po vijon operacionin për zbulimin e persona të implikuar në laboratorin e drogës të zbuluar në zonën e Shkozës në kryeqytet.
Ilir Suli, punonjës i ujësjellësit, dyshohet të ketë shpërdoruar detyrën për sa kohë nuk ka kontrolluar sahatin për ujin e pijshëm, i cili është përdorur për vaditjen e bimës narkotike.
Ndërkohë përveç një punonjësit të OSHEE për shpërdorim detyre, janë arrestuar edhe Shefki Meidri dhe Ibrahim Qosja , të cilët kishin një servis automjetesh prej nga ku ishte kryer lidhja e paligjshme e energjisë elektrike.
Energjia elektrike do të përdorej për furnizimin e llambave që do të përdoreshin për bimën narkotike. Janë arrestuar gjithashtu edhe Ramazan Losha dhe Arjan Kadareja , me detyre roje private shkruan tch.
Ata akuzohen për shpërdorim detyre dhe moskallëzim krimi. Laboratori i drogës u zbulua në zonën e Shkozës në tunelet e ish-Uzinës së Autotraktorëve, ku ishin kultivuar kubikë me bimë narkotike kanabis sativa./a.m.
