Një detektues amator i metalit ka bërë një zbulim për të cilin ekspertët mendojnë se mund ta ndryshojë kuptimin e Krishterimit në Danimarkë. Dennis Fabricius Holm ishte duke kaluar një pasdite të mirë pushimi kur gjeti kryqin ‘Birka’ në një zonë afër qytetit të Aunslevit.
Pasi e postoi atë në rrjetet sociale, përdoruesit e sugjeruan atë që ta dërgojë atë në muze, transmeton Gazeta Express. Pasi e dërgoi atje, arkeologu i Muzeut Ostfyns tha: “Është absolutisht një zbulim i ndjeshëm i cili daton që nga gjysma e parë e viteve 900 (shekulli i dhjetë)”.
Një figurë e tillë e njëjtë ishte gjetur edhe në Suedi, që duket se daton nga koha e njëjtë. Si do që të jetë, kjo mostër është në gjendje shumë të mirë dhe e ruajtur mjaft mirë. Sipas këtij arkeologu, ky kryq me shumë gjasë është mbajtur nga një grua viking.
Zbulimi i këtij kryqi, që daton nga vitet 900-950 është shumë i rëndësishëm, për shkak se tregon se danezët e pranuan Krishterimin më herët se që ishte menduar më parë.
