Në Los Angeles po ofrohen testime falas për koronavirusin, për të gjithë banorët, pavarësisht nëse kanë simptoma apo jo.
Kryetari i Bashkisë Eric Garcetti bëri njoftimin pak orë pasi në Los Angeles u shënua rritje e numrit të të infektuarve, pasi u rrit dhe numri i testimeve.
Deri më tani, vetëm punonjësit shëndetësorë dhe ata me simptoma do mund të bënin testin për shkak të mungesës së testimeve. Garcetti u bëri thirrje të gjithë banorëve të qytetit që të bëjnë testin, duke thënë se Los Angeles bëhet qyteti i parë i madh në Amerikë që ofron testimin falas ndaj Covid-19.
Ndërkaq, për shkak të rrezikut Kalifornia ka vendosur që të mbyllë të gjitha plazhet. Qarku i Los Anxheles aktualisht përbën pothuajse gjysmën e rasteve të konfirmuara të koronavirusit në Kaliforni. Shteti deri më tani ka raportuar mbi 48,000 raste dhe më shumë se 1.900 viktima.
/a.r
