Kjo është fytyra ( në foton në të djathtë) e Andrea Bonafede-s së vërtetë, gjeometrit i cili i “dha borxh” identitetin e tij Matteo Messina Denaro-s.
Sipas raportimeve, ai ra në kontakt për herë të parë me bosin e mafias një vit më parë. Pra, janarin e vitit të shkuar, sipas asaj që Bonafede u tha vetë hetuesve kur u pyet se kur u takuan për herë të parë.
Në këtë takim, sipas mediave italiane gjeometri ndau vetëm detaje të pakëta me Messina Denaro-n në Campobello di Mazara.
Po ashtu Bonafede ka treguar se bosi i Mafias siçiliane i kërkoi që të blinte një shtëpi në rrugicën San Vito ku ai jetoi më pas deri në ditën kur u arrestua. Blerja e shtëpisë u mbyll në qershor të vitit 2022.
Kjo do të thotë se Messina Denaro ka qenë duke lëvizur në zonën Campobello di Mazara për të paktën një vit.
/a.r
