Me 78 vota pro, 17 kundër dhe 8 abstenim Parlamenti votoi ditën e sotme, raportin përfundimtar të komisionit hetimor parlamentar, për mos shkarkimin e Presidentit Ilir Meta.
Kjo pasi sipas raportit, shkeljet e kreut të shtetit, nuk mjaftojnë për ta shkarkuar.
Nga ana e tij Kryeministri Edi Rama, paralajmëroi sot në seancë hartimin e një ligji organik, i cili do të rregullojë kompetencat e Presidentit.
Në seancën e sotme parlamentare u diskutua raporti raporti përfundimtar i komisionit hetimor “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar e ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”.
Kjo pasi Presidenti shtyu zgjedhjet lokale të 30 qershorit, ku shumica e hetoi për shkelje të ligjit dhe shpërdorim detyre, por në fund u tërhoq nga shkarkimi.a
/a.r
