Pas afro 5 muajsh tensionesh e kaosi, Parlamenti pritet t’i rikthehet normalitetit. Këtë të enjte (21 mars) në10:00 do të zhvillohet seanca plenare, e para pas disa muajsh e cila pritet të zhvillohet normalisht pa protestën e Rithemelimit, zhurmueseve, tymueseve, e përplasjeve, kjo pas arritjes së marrëveshjes me PS.
Në seancën plenare e cila pritet të nisë në orën 10:00, në rend ditë është vendosur miratimi i disa ndryshimeve në Buxhetin e 2024-ës, pr.ligji për Gardën e Republikës, pr.ligji “Për Sigurinë Kibernetike”, ngritja e dy komisioneve hetimore të kërkuara nga opozita, një do të jetë për hetimin e koncesionit të sterilizimit dhe check up-it dhe tjetri për ndërhyrjet në sistemin TIMS.
Po ashtu në rend dite është parashikuar emërimi i disa anëtarëve në këshillat e institucioneve buxhetore.
Mazhoranca dhe grupi i Rithemelimit gjetën dakordësinë lidhur me kthimin në normalitet të jetës parlamentare dhe ranë dakord për ngritjen e 2 komisioneve hetimore të kërkuara nga opozita, ajo për rrjedhjen e të dhënave dhe ndërhyrjen në sistemin TIMS si dhe komisioni hetimor për koncesionet e dhëna në Shëndetësi.
/a.r
