Kuvendi ka shtyrë për javën e ardhshme votimin në tërësi të projektligjit për Energjinë Elektrike. Deputetët votuan me 67 vota pro dhe 19 kundër në tërësi projektligjin por debati u hap për nenin 92 në të cilin përcaktohet barra hipotekore si mënyrë e konvertimit të borxhit. Kreu i Grupit parlamentar të PDsë Edi Paloka kërkoi që të verifikohet kuorumi në sallë. “Nuk keni kuorumin për të votuar ligjin në tërësi. Kërkoj të verifikohet kuorumi në sallë.” u shpreh Paloka.
Ndërsa deputeti Koço Kokëdhima kërkoi që të mos vendoset barrë hipotekore. “Mund ti qëndrojmë versionit të mos vendoset barrë hipotekore mbi pasuritë e patundshme por të vendoset që kompania të mos krijojë borxhe.” u shpreh Kokëdhima.
Nga ana e tij nënkryetari i grupit parlamentar të PS Taulant Balla kërkoi që situata të sqarohet dhe projektligji të kaloj për votim në tërësi javën e ardhshme.
“Kërkojmë shtyrjen e votimit javës tjetër që të sqarohet situata.” u shpreh Balla
Redaksia Online
(Javanews.al)
