Kuvendi i Shqipërisë rrëzoi këtë të premte 10 dekrete të Presidentit Ilir Meta. Këto vendime nuk janë pritur mirë nga institucioni i kreut të shtetit.
Përmes një deklarate për shtyp, Këshilltari për Çështjet Ligjore i Metës, Bledar Dervishaj tha se këto 10 ligje të hedhura poshtë nga parlamenti prekin zemrën e Reformës së Drejtësi. Dervishaj ironizoi me kohën e shkurtër të shqyrtimit të këtyre ligjeve.
10 ligje që prekin zemrën e Reformës në Drejtësi, Kuvendi arrin t’i shqyrtojë brenda një dite. Kujtojmë që Kuvendi në një ditë, miratoi 10 ligje të hartuara nga qeveria që ndryshojnë thelbësisht reformën”.
Dervishaj tha se reforma në drejtësi iu besua ekspertëve të lartë dhe qeverisë iu hoq e drejta për të ndërhyrë. Kujtojmë që sot Kuvendi miratoi edhe ngritjen e Komisionit Hetimor parlamentar për shkarkimin e Presidentit Meta./ b.h
