Në nisej të seancës plenare, Kuvendi ka mbajtur sot një minutë heshtje në nder të Agur vrenozit, fierakut i cili humbi jetën në përballje me grabitësit.
Deputeti i PD për Qarkun e Fierit, Luan Baci, teksa vlerësoi aktin qytetar të Vrenozit, kërkoi nga Kuvendi që të vijojë me tej procedurat për ta shpallur “Qytetar nderi” për aktin e kryer.
“Agur Vrenozi guxoi t’i vinte në ndihmë bashkëqytetarit të tij, i cili kërkonte ndihmë i terrorizuar nga grabitësit që i kishin hyrë në dyqan. Policia që po patrullonte në qytet, po vononte të vinte në vendngjarje, ndaj Agur Vrenozi ndërhyri. Me vendimin e tij i erdhi në ndihmë policisë për të kapur në kohë grabitësit, njëri prej të cilëve ishte liruar nga burgu pak kohë më parë si autor i një tjetër grabitje. Akti i Agurit ishte domethënës, akt qytetar. Do dëshiroja që procedura për këtë qytetar nderi të vijojë më tej, për të vlerësuar aktin e tij”, u shpreh deputeti Baci./a.m.
