Parlamenti ka votuar pak minuta më parë dekretin e Presidentit Meta për shkarkimin e ministrit të Brendshëm Fatmir Xhafaj.
Ky i fundit dha dorëheqjen disa ditë më parë.
Mazhoranca u detyrua të ndërmarrë këtë hap pas shkeljes së rëndë kushtetuese të Presidentit Ilir Meta, për të mos dekretuar emërimin në postin e ministrit të brendshëm të Sandër Lleshit.
Dekreti për shkarkimin e Xhafajt u votua me 75 vota, asnje kunder.
Në këtë mënyrë i hapet rruga Lleshit për drejtimin e Ministrisë së Brendëshme, këtë herë nga pozicioni i zv.ministrit.
“Sot votojmë shkarkimin e Xhafajt, më pas vendosim në qeveri ministrin e Brendshëm dhe do i japim ca ditë kohë jo vetëm presidentit që ta bluajë këtë çështje dhe të punojë për të krijuar bindjen e plotë, por edhe vetes për të hedhur hapin tjetër. Gjenerali nga sot do të drejtojë punët e brendshme të Shqipërisë, kam besim se do i japë një shtyrë. 7 ditët e pamjtueshme që mori Presidenti, mua më tepruan që Lleshi është njeriu i duhur, që vjen në kohën e duhur dhe gjendet në vendin e duhur si përfaqësues i shumicës së duhur“, tha Rama
ma.me
