Rreth orës 02:10 të së premtes ka përfunduar edhe seanca maratonë e Parlamentit shqiptar. Drejtuesja e seancës, Valentina Leskaj ka njoftuar se të gjitha projektligjet e rendit të ditës do të votohen pas disa orësh.
“Seanca mbyllet, votimi për pikat e rendit të ditës do të bëhen në orën 10”, ka thënë Leskaj në përfundim.
Kuvendi do të zhvillojë punime edhe sot (e premte) në një seancë të veçantë për buxhetin e vitit 2016. Ashtu sikurse dje (e enjte) edhe sot priten debate të ashpra dhe një seancë maratonë.
