Kuvendi i Republikës së Kosovës sot (e premte), po mban debat parlamentar për situatën në veri të Kosovës.
Ky debat vjen pas zhvillimeve të fundit në veri, ku serbët lokal po protestojnë ndaj vendosjes së kryetarëve të zgjedhur në komunat në veri.
Në fjalën e tij Albin Kurti tha se protestat në veri janë të organizuara nga Beogradi dhe jo nga populli serb. Ai u shpreh se Serbia është vend autokratik dhe jo demokratik.
Kurti shprehu keqardhje për gazetarët dhe policët e lënduar.
Siç tha ai, Qeveria e Kosovës duhet t’i ndihmojë serbët që të çlirohen nga milicia fashiste, dhe jo të dorëzohet para tyre.
“Serbët nuk kanë demokraci sepse Beogradi nuk lejon më shumë se një parti. T’i ndihmojmë serbët që të kenë pluralizëm politik” – tha kryeministri i Kosovës.
/a.r
