Kuvendi i Kosovës do të zhvillojë të martën seancën e jashtëzakonshme, ku do të diskutohet për ndalimin e ish kryeministrit dhe kryetarit të Aleancës për Ardhmërinë e Kosovës, Ramush Haradinaj, nga policia franceze.
Vendimi për mbajtjen e seancës u mor të shtunën nga Kryesia e Kuvendit me kërkesë të grupit parlamentar të AAK-së.
Ramush Haradinaj është ndaluar më 4 janar në aeroportin e Baselit nga policia franceze, në bazë të një urdhër arresti të lëshuar në vitin 2004 nga Serbia. Të enjten Haradinaj pritet të dalë sërish para trupit gjykues francez, bëri të ditur avokati i tij në Kosovë, Arianit Koçi.
