Nga Fatmir Merkoçi
Kuvendi i Partisë thirret për dy arsye: Ose ndodh një ngjarje e rëndë në parti, ose vetë udhëheqja e Partisë ka devijuar nga qëndrimet politike. Shkelet Statuti i Partisë. Kryetari apo dhe Kryesia, janë shkëputur nga baza e Partisë.
Në rastin e parë.
Kuvendin e thërret dhe e organizon partia. Drejtimin e Kuvendit e bën Kryetari dhe Kryesia e Partisë. Në këtë rast, Partia thërret Kuvendin e jashtëzakonshëm. Nuk ka nevojë për firma të anëtarëve të kuvëndit.
Anëtarët e Kuvendit të Jashtëzakonshëm janë vetëm ata persona që kanë mandatin e kuvendit të fundit. Kjo është taksative dhe e pa kundërshtueshme pasi anëtarët e Kuvendit kanë mandat 4
(katër) vjeçar dhe nuk mundet të zëvendësohen, pavarësisht se, mundet të kenë lënë mandatin si funksionarë. Kjo për të vetmen arsye, pasi Kuvendi është organi më i lartë. Si i tillë, askush nuk mundet t’i marri atributet e tija. Zëvendësimi i mandateve përbën sa shkelje statuore aq dhe ligjore për vetë organizatorët e Kuvendit të jashtëzakonshëm.
Rasti i dytë
Sipas statutit, Kuvendin e thërret 1/4 e anëtarëve të kuvendit të fundit. Kur Kuvendin e thërret anëtarsia e saj, cila është arsyeja: Ajo ç’ka parashtrova në pikën 2 (dy). Pra, Kryetari dhe kryesia e Partisë nuk duan ta thërrasin kuvendin e jashtëzakonshëm. Por statuti e ka paraprirë këtë situatë, ndaj dhe është e përcaktuar kjo pikë në statut.
Nëse kjo pikë nuk do ishte në statut, gjykata nuk do pranonte aprovimin e statutit pasi, përbën shkelje të rregullave të demokracisë, brenda vetë partisë.
Kur Kuvendin e jashtëzakonshëm e thërret Cila është proçedura e thirrjes.
Qoftë dhe një individ, anëtar i partisë, arrin të mbledhi 1/4 e anëtarëve të Kuvendit. Shpall ditën e Kuvendit të Jashtëzakonshëm, duke përcaktuar dhe pikat e diskutimit në këtë kuvend. Por në asnjë rast, nuk duhet të dalë jashtë pikave të paraqitura.
Data për mbledhjen e kuvendit është e përcaktuar në statut dhe është afati një mujor nga dita e shpalljes. Organizimin, mbarëvajtjen dhe përgjegjësinë e këtij kuvendi e kanë organizatorët, pra firmëtarët.
Përse duhen firmat? Ato duhen për të bërë të mundur thirrjen e kuvendit. Pra, organizatorët kanë detyrimin për t’i pasur firmat. Por në asnjë rasta, ata nuk janë të detyruar që firmat ti paraqesin në kryesinë e partisë. Kjo ka shpjegimin e vetë.
Organizatorët vërtetë e thërrasin Kuvendin e jashtëzakonshëm me 1/4 e anëtarëve të Kuvendit, por nëse, ata nuk mundet të mbledhin në kuvend, më shumë se gjysmën e anëtarëve të saj, atëherë kemi dështim të kuvendit dhe përgjegjësia bie mbi nismëtarët e kësaj kërkese.
Por nëse Kryesia dhe Kryetari i Partisë janë dakord me thirrjen e Kuvendit të Jashtëzakonshëm, atëherë ata mundet të caktojnë një datë para afatit 1 (një) mujor, që përcakton statuti, kur e thërret ¼ e anëtarëve. Kuptohet nëse ndodh kështu.
Kuvendi i thirrur nga partiabëhet i detyrueshëm dhe për 1/4 iniciatore. Në këtë momenta ata paraqiten në kuvend me kërkesat e tyre.
Paraqitja e kërkesave, detyrimisht shoqërohet dhe me firmat e firmëtarve,që kanë kërkuar thirrjen e këtij kuvendi. Kuvendi në këtë rast drejtohet nga Kryetari i Partisë, por është i detyruar që kërkesat e 1/4 të anëtarëve të hidhen në votim në Kuvend.
Ashtu siç është detyrues pjesëmarrja e 1/4 në rastin e mësipërm, ashtu është detyrues pjesëmarrja dhe e kryesisë dhe Kryetarit në këtë rast. Dhe pse duhet theksuar se: Në rast se kuvendin e thërret 1/4 dhe e zhvillon ajo, Kryesia dhe Kryetari e humbet të drejtën e drejtimit të kuvendit. Në këtë rast, ata nuk humbasin të drejtën e fjalës, të diskutimit apo edhe të votimit.
Sekretaria dhe protokolli i partisë
Protokolli dhe sekretaria duhet të jenë pjesëmarrës në Kuvendin e Jashtëzakonshëm. Këtë ata e kanë detyrim statutor dhe ligjor. Kjo sepse Partia është institucion dhe në asnjë rast, ajo nuk mundet ti bindet askujt, përveç ligjit dhe statutit.
Në asnjë rast, protokolli nuk ka justifikim për mospjesëmarrje. Në çdo rast, përbën shkelje ligjore.
Shpesh dëgjohet se Kryetari ka vulën dhe nuk e lë partinë.
Nëse Kryetari mban vulën e Partisë, atëherë kemi të bëjmë me një Kryetar autoritar, i cili shkel hapur ligjin dhe statutin. Në asnjë gërmë të statutit, nuk thuhet se Kryetari e posedon vulën e partisë.
Nëse ndodh kjo, përgjegjësit kallëzohen penalisht për, shfrytëzim posti, kanosje të administratës, vjedhje dhe përvetësim vule, të parashikuar nga kodi penal. Ndaj askush nuk mundet të bëhet “pronar” i partisë.
Deklarimi i datës nga Kryetari dhe kryesia për mbajtjen e Kuvendit të Jashtëzakonshëm bëhet pas ditës së shpallur nga 1/4 e antarëve të saj. Është një datë nul. Ajo mundet të vlejë, vetëm nëse 1/4 e anëtarëve të kuvendit nuk mundet të mbledh më shumë se gjysmën e anëtarëve, për të zhvilluar kuvendin e jashtëzakonshëm, të thirrur prej saj. b.an
