Përfaqësuesit e 3 degëve të Partisë Demokratike kanë lexuar emrat e delegatëve që mbështesin 11 Dhjetorin.
Në mesditë nga selia e PD, dega e PD në Kavajë, Vorë dhe Rrogozhinë kanë konfirmuar se shumica e demokratëve mbështesin Sali Berishën.
Publikimi i emrave të delegatëve do të vazhdojë deri në mbledhjen e Kuvendit Kombëtar, si një rrugë për të bërë transparencën e firmave kundër Bashës, thonë burime pranë lëvizjes së Berishës.
Paralelisht me këtë proces, demokratët që mbështesin Berishën po finalizojnë detajet e fundit të mbledhjes së 11 Dhjetorit.
Vizion Plus raporton se Kuvendi i PD do të zhvillohet në ambientet e stadiumit “Air Albania”, edhe pse tradicionalisht ky forum është mbledhur në Pallatin e Kongreseve.
Javën e ardhshme pritet edhe publikimi i draft-statutit të ri të Partisë Demokratike si dhe vendimet që do të merren nga Kuvendi në 11 Dhjetor.
/a.r
