Ndërkohë që seanca e jashtëzakonshme plenare për rrëzimin e qeverisë së Albin Kurtit vijon qytetarët e Kosovës kanë dalë në protestë nga ballkonet e shtëpive pasi janë të izoluar për shkak të koronavirus.
Kjo është videoja që po qarkullon në rrjet, në të cilën shihen qytetarët duke protestuar me kusi dhe mjete të tjera ndërsa nga ana tjetër Kurti në Kuvend deklaroi se kurrë nuk mund të rrëzohet një qeveri për një ministër, vetëm nëse ky nuk është plan.
Kërkesa e Lidhjes Demokratike të Kosovës (LDK) për votëbesimin e Qeverisë së kryeministrit Albin Kurti ka ardhur pas përplasjeve të cilat u ashpërsuan kur më 18 mars Kurti shkarkoi ministrin e të Punëve të Brendshme, Agim Veliun, pasi përhapi panik tek njerëzit në situatën e vështirë të krijuar prej koroanvirusit. /e.s/
